ცნობილ პროექტს "seti", რომელიც არამიწიერი ცივილიზაციების ძებნითაა დაკავებული 50 წელი შეუსრულდა. ამ მრგვალ თარიღთან დაკავშირებით პროექტის შემქმნელებმა და გამომცემლობა penguin-მა გადაწყვიტეს ბრიტანეთსა და სხვა ქვეყნის მოსახლეობას საშუალება მისცეს გაუგზავნონ შეტყობინება არამიწიერ ცივილიზაციებს, რომელიც 40 სიტყვისგან იქნება შედგენილი. ამისათვის საჭიროა თქვენ იყოთ 16 წელზე მეტი ხნის.
შეგახსენებთ, რომ 1960 წელს ფრენკ დრეიკმა დაიწყო რადიოსიგნალების მოსმენაიმ ვარსკვლავების მიმართულებით, სადაც შესაძლებელი იქნებოდა დედამიწის ტიპის პლანეტების არსებობა.
აღსანიშნავია სიგნალი, რომელიც 15 აგვისტოს 1977 წელს იქნა მიღებული. მან მიიღო სახელწოდება WOW, სიტყვა რომელიც აღმოხდა განცვიფრებულ ოპერატორს და იქვე, თვითმიწერის ლენტაზევე მიეწერა.
ამის მერე სამწუხაროდ სიგნალი აღარ განმეორებულა. ის შეიძლება მიმღების საკუთარ "ხმაურს", ან რაიმე სხვა ელექტრო მოწყობილებას გამოეწვია.
მოსმენა ძირითადად 21 სმ დიაპაზონში წარმოებს. ამ დიაპაზონში ასხივებენ წყალბადის ატომებს, იგი სამყაროში ყველაზე გავრცელებული ელემენტია. მასზე დაკვირვებით ხდება სამყაროს შესწავლა.
პროექტის მთავარმა ავტორმა ასტრონომმა სეთ შოსტაკმა განაცხადა, რომ თუ ასეთი ტემპებით გაგრძელდება კომპიუტერების პროცესორების სიმძლავრის მატება, მაშიტ არამიწიერი ცივილიზაციები შეიძლება 2025 წლისათვის აღმოვაჩინოთ.
Комментариев нет:
Отправить комментарий